Аб візіце Міністра сельскай гаспадаркі, рыбалоўства і водных рэсурсаў Амана ў Беларусь
04.06.2026 г.У перыяд з 1 па 4 чэрвеня 2026 г. Беларусь наведала аманская дэлегацыя на чале з Міністрам сельскай гаспадаркі, рыбалоўства і водных рэсурсаў для ўдзелу ў выставе «Белагра-2026». На выставе быў арганізаваны аманскі стэнд.
У ходзе візіту адбыліся сустрэчы кіраўніка аманскай дэлегацыі з Міністрам сельскай гаспадаркі і харчавання, Міністрам замежных спраў Рэспублікі Беларусь, а таксама наведванне шэрага прадпрыемстваў сельскагаспадарчага і ветэрынарнага профілю.
3 чэрвеня 2026 г. на палях «Белагра-2026» Нацыянальным цэнтрам падтрымкі экспарту і Аманскай гандлёва-прамысловай палатай праведзены двухбаковы бізнес-форум. У яго рабоце прынялі ўдзел прадстаўнікі больш як 30 аманскіх і 200 беларускіх кампаній. Аманскую бізнес-дэлегацыю ўзначаліў Старшыня Праўлення Аманскай Гандлёва-прамысловай палаты.
У рамках форуму падпісаны 7 мемарандумаў у сферах сельскай гаспадаркі і харчавання, ІКТ і іншых.
Таксама для аманскай бізнес-дэлегацыі на чале са Старшынёй Праўлення Аманскай Гандлёва-прамысловай палаты былі арганізаваны сустрэчы з Міністрам прамысловасці, Міністрам замежных спраў Рэспублікі Беларусь, наведванне Парка высокіх тэхналогій, індустрыяльнага парка «Вялікі камень» і іншых прадпрыемстваў.
