Аб візіце Пасла Беларусі ў Егіпце С.Цярэнцьева ў горад Александрыя і губернатарства аль-Бехейра

7 сакавіка 2023 г. Надзвычайны і Паўнамоцны Пасол Рэспублікі Беларусь у Арабскай Рэспубліцы Егіпет Сяргей Цярэнцьеў наведаў з рабочым візітам губернатарства аль-Бехейра і г.Александрыя.

Падчас візіта Пасол сустрэўся з кіраўніцтвам і членамі гандлёва-прамысловых палат Александрыі і губернатарства аль-Бехейра, губернатарам Александрыі Мухамедам аль-Шэрыфам, кіраўніцтвам Александрыйскай бізнес-асацыяцыі.

На сустрэчы з губернатарам Александрыі М.аль-Шэрыфам разгледжаны пытанні эканамічнага супрацоўніцтва ў такіх сферах, як прамысловасць, сельская гаспадарка, харчовая бяспека. Бакі адзначылі неабходнасць актывізацыі ўзаемадзеяння ў сферы турызму, аховы прыроды, дамовіліся садзейнічаць сувязям паміж Беларуссю і Егіптам у іншых галінах.

Падчас гутарак з кіраўніцтвам гандлёвай палаты губернатарства аль-Бехейра, кіраўніцтвам Александрыйскай бізнес-асацыяцыі і кіраўніцтвам гандлёва-прамысловай палаты Александрыі прадметна разгледжаны эканамічныя пытанні. Ажыццёўлены абмен інфармацыяй па перспектыўных пазіцыях узаемнага гандлю. Дасягнуты дамоўленасці аб арганізацыі прамога ўзаемадзеяння з бізнес-структурамі Беларусі, уключаючы арганізацыю дзелавых місій у нашу краіну.

Версія для друку