Аб правядзенні Беларуска-Суданскай камісіі па супрацоўніцтве
07.05.2026 г.У перыяд з 4 па 8 мая 2026 г. дэлегацыя Рэспублікі Судан на чале з Міністрам энергетыкі і нафты Аль-Мутасімам Ібрагімам Ахмедам Алі наведала Беларусь для правядзення 5-га пасяджэння Сумеснай Беларуска-Суданскай камісіі па супрацоўніцтве і шэрагу профільных сустрэч. У мерапрыемствах прыняў удзел Пасол Беларусі ў Егіпце і Судане па сумяшчальніцтве Яўген Сабалеўскі.
У ходзе пасяджэння Камісіі бакі абмеркавалі ўвесь спектр двухбаковага супрацоўніцтва з акцэнтам на гандлёва-эканамічную сферу. Выпрацаваны канкрэтныя крокі па развіццю ўзаемадзеяння ў галінах сельскай гаспадаркі, прамысловасці, нафтахіміі, энергетыкі, аховы прыродных рэсурсаў, аховы здароўя, адукацыі. Дасягнута дамоўленасць аб распрацоўцы і падпісанні Дарожнай карты двухбаковага супрацоўніцтва.
Па выніках пасяджэння падпісаны пратакол, Пагадненне аб намерах паміж Беларускім дзяржаўным канцэрнам па нафце і хіміі і Міністэрствам энергетыкі і нафты Рэспублікі Судан, а таксама міжурадавае Генеральнае пагадненне аб выдзяленні экспартных крэдытаў. Рэалізацыя падпісаных дакументаў будзе садзейнічаць нарошчванню двухбаковага тавараабароту.
Арганізаваны сустрэчы суданскай дэлегацыі з кіраўніцтвам Мінпрама, Мінсельгасхарча, Мінэнерга, Белнафтахіма, Банка развіцця Рэспублікі Беларусь, а таксама наведванне прадпрыемстваў: Мінскага трактарнага і аўтамабільнага заводаў, Мінскага электратэхнічнага завода ім. В.І. Казлова, Беларускай нацыянальнай біятэхналагічнай карпарацыі.
У візіце таксама прыняў удзел ганаровы консул Беларусі ў Судане, старшыня савета дырэктараў холдынга MIG Махамед Ісмаіл, у тым ліку для правядзення асобных сустрэч з кіраўніцтвам Міністэрства замежных спраў Рэспублікі Беларусь, БелГПП, Нацыянальнага агенцтва інвестыцый і прыватызацыі.
