Аб візіце Пасла Беларусі ў Егіпце С.Цярэнцьева ў Алжыр

8 – 9 чэрвеня 2024 года адбыўся рабочы візіт Пасла Рэспублікі Беларусь у Арабскай Рэспубліцы Егіпет Сяргея Цярэнцьева ў Алжыр, у рамках якога быў праведзены шэраг сустрэч з алжырскімі партнёрамі.

Падчас сустрэчы Пасла з Міністрам сельскай гаспадаркі і развіцця сельскіх тэрыторый Алжыра, сустаршынёй Сумеснай Беларуска-Алжырскай камісіі па гандлёва-эканамічнаму и навукова-тэхнічнаму супрацоўніцтву Юсуфам Шэрфай адбыўся абмен думкамі аб магчымасцях узаемавыгаднага ўзаемадзеяння дзвюх краін у мэтах забеспячэння харчовай бяспекі. Асаблівая ўвага на сустрэчы была нададзена пытанням сертыфікацыі беларускай прадукцыі для доступу на алжырскі рынак. Бакі таксама абмеркавалі алгарытмы падрыхтоўкі да першага пасяджэння Сумеснай Беларуска-Алжырскай камісіі па гандлёва-эканамічным і навукова-тэхнічным супрацоўніцтве.

На сустрэчы з Міністрам прамысловасці і фармацэўтычнай вытворчасці Алжыра Алі Аунам узгоднена пытанне яго візіту ў Беларусь. Бакамі дасягнуты пагадненні аб пашырэнні двухбаковага ўзаемадзеяння ў сферы прамысловасці, прыцягненні алжырскіх кампаній да рэалізацыі двухбаковых праектаў у галіне фармацэўтычнай вытворчасці. Падкрэслена важнасць удзелу беларускіх прамысловых і фармацэўтычных прадпрыемстваў у сацыяльна-эканамічным развіцці Алжыра.

У рамках візіту таксама адбылася сустрэча Пасла з Прэзідэнтам Алжырскай гандлёва-прамысловай палаты К.Хаменні, на якой было ўзгоднена пытанне правядзення візіту алжырскіх дзелавых колаў у Рэспубліку Беларусь для каардынацыі працэсу стварэння Беларуска-Алжырскага Савета дзелавога супрацоўніцтва. Суразмоўцы пагадзіліся аб неабходнасці актывізацыі бізнес-кантактаў дзвюх краін у мэтах пашырэння напрамкаў гандлёва-эканамічнага ўзаемадзеяння Беларусі і Алжыра.

Падчас сустрэчы з Прэзідэнтам Алжырскай канфедэрацыі наймальнікаў Б.Тахарам абмеркавалі пытанні актывізацыі ўзаемадзеяння беларускіх і алжырскіх бізнес-супольнасцяў, уключаючы магчымасць падпісання Мемарандума аб узаемаразуменні паміж Алжырскай канфедэрацыей наймальнікаў і Рэспубліканскім саюзам наймальнікаў «БелСН». Бакі падкрэслілі значны патэнцыял дзелавых колаў у адкрыцці новых гарызонтаў для супрацоўніцтва паміж абедзвюма краінамі.

Версія для друку