Аб візіце Пасла Рэспублікі Беларусь у Егіпце ў Алжыр
19.03.2026 г.З 15 па 17 сакавіка 2026 г. адбыўся візіт Пасла Рэспублікі Беларусь у Арабскай Рэспубліцы Егіпет і Алжырскай Народнай Дэмакратычнай Рэспубліцы Яўгена Сабалеўскага ў Алжыр для прапрацоўкі дамоўленасцей, дасягнутых у ходзе візіту на вышэйшым узроўні ў Алжыр у снежні 2025 года.
У ходзе візіту праведзена сустрэча Пасла з Міністрам сельскай гаспадаркі, развіцця сельскіх тэрыторый і рыбалоўства Алжыра – Сустаршынёй Алжырскай часткі Сумеснай Беларуска-Алжырскай камісіі па гандлёва-эканамічным і навукова-тэхнічным супрацоўніцтве Ясінам Уалідам і дырэктарам групы Giplait Самах Лахлух.
Бакі абмеркавалі ход падрыхтоўкі да правядзення пасяджэння Сумеснай Беларуска-Алжырскай камісіі па гандлёва-эканамічным і навукова-тэхнічным супрацоўніцтве, арганізацыі спецыялізаваных і бізнес-мерапрыемстваў на палях пасяджэння.
Суразмоўцы адзначылі прагрэс, дасягнуты бакамі ў супрацоўніцтве ў галіне сельскай гаспадаркі. Падкрэслілі гатоўнасць прадоўжыць работу па сумесных праектах у сферы харчовай бяспекі, пацвердзілі цікавасць у пашырэнні лінейкі беларускай прадукцыі, якая пастаўляецца ў Алжыр, у тым ліку ветэрынарных прэпаратаў, кармоў.
Праведзена сустрэча з Міністрам прамысловасці Алжыра Ях’ёй Башырам і кіраўніцтвам холдынгу AGM.
Абмеркаваны пытанні рэалізацыі намечаных праектаў у галіне прамысловасці, у тым ліку па лініі трактарнай тэхнікі, аўтобусаў, камбайнаў, зернесушыльных комплексаў. Адзначылі актыўную дынаміку кантактаў паміж прамысловымі прадпрыемствамі дзвюх краін.
У ходзе візіту адбылася сустрэча Пасла з Дзяржаўным Міністрам, Міністрам вуглевадародаў і горназдабыўной прамысловасці Алжыра Махамедам Аркабам.
Абмеркаваны “пункты судакранання” дзвюх краін у галіне горназдабычы і нафтагазавай сферы. Намечаны канкрэтныя крокі далейшай сумеснай работы.
Адбылася сустрэча з Генеральным дырэктарам Упраўлення Еўропы Міністэрства замежных спраў, па справах нацыянальных абшчын за мяжой і афрыканскім справам Алжыра Саідам Міз’янам.
Бакі “зверылі гадзіннікі” адносна графіка двухбаковых мерапрыемстваў на бліжэйшую перспектыву.
Абмеркавалі ход рэалізацыі ўсяго спектра дамоўленасцей, дасягнутымі паміж Кіраўнікамі Беларусі і Алжыра ў снежні 2025 года з акцэнтам на гандлёва-эканамічную сферу. Падкрэслілі перспектыўнасць развіцця ўзаемадзеяння ў гуманітарнай галіне.
