Гандлёва-эканамічнае супрацоўніцтва

У дакрызісны перыяд з Лівіяй дзейнічала Беларуска-Лівійская сумесная камісія па эканамічнаму, гандлёваму і навукова-тэхнічнаму супрацоўніцтву паміж Урадам Рэспублікі Беларусь і Урадам Вялікай Сацыялістычнай Народнай Лівійскай Арабскай Джамахірыяй. Апошняе (трэцяе) пасяджэнне камісіі адбылося ў г.Мінску ў кастрычніку 2009 года.

У 2002 і 2009 гг. на 31-й і 38-й міжнародных выставах у г.Трыпалі былі арганізаваны Нацыянальныя экспазіцыі Рэспублікі Беларусь.

Супраць Лівіі працягваюць дзейнічаць санкцыі Рады Бяспекі ААН, у адпаведнасці з якімі для экспарту ў гэтую краіну пэўных тавараў (абсталявання і да т.п.) неабходна атрымліваць дазволы Камітэта РБ ААН па Лівіі, заснаванага рэзалюцыяй Рады Бяспекі ААН № 1973 ад 17.03.2011.