Аб сустрэчах Пасла Беларусі Я.Сабалеўскага ў Рэспубліцы Судан
12.10.2026 г.11 кастрычніка 2026 г. Надзвычайны і Паўнамоцны Пасол Рэспублікі Беларусь у Арабскай Рэспубліцы Егіпет і Рэспубліцы Судан па сумяшчальніцтве Яўген Сабалеўскі сустрэўся з Міністрам энергетыкі і нафты Рэспублікі Судан, сустаршынёй Беларуска-Суданскай Камісіі па супрацоўніцтве Аль-Мутасімам Ібрагімам Ахмедам Алі.
У ходзе сустрэчы сцверджана нацэленасць бакоў на комплекснае развіццё беларуска-суданскага ўзаемадзеяння. Дасягнута разуменне аб прапрацоўцы падпісання двухбаковай Дарожнай карты па рэалізацыі дамоўленасцей, дасягнутых у рамках пятага пасяджэння Беларуска-Суданскай Камісіі па супрацоўніцтве.
12 кастрычніка 2026 г. адбылася сустрэча Пасла Беларусі з Дзяржаўным Міністрам фінансаў і эканамічнага планавання Рэспублікі Судан Мухамедам Нурам Абдэльрахімам.
Бакі намецілі план сумесных мерапрыемстваў на бліжэйшую перспектыву, у тым ліку па лініі банкаў, бізнесу, профільных ведамстваў дзвюх краін.
Абмеркаваны перспектывы развіцця экспарту беларускай сельскагаспадарчай, аўтамабільнай, дарожна-будаўнічай тэхнікі, харчовых і сельскагаспадарчых тавараў у Судан, а таксама арганізацыі сустрэчных паставак суданскай прадукцыі ў Беларусь.
