Аб візіце Старшыні Савета Рэспублікі Нацыянальнага сходу Рэспублікі Беларусь у Алжыр
17.09.2026 г.У перыяд 16 — 17 верасня 2026 г. адбыўся візіт беларускай дэлегацыі на чале са Старшынёй Савета Рэспублікі Нацыянальнага сходу Рэспублікі Беларусь Наталляй Качанавай у Алжыр.
У ходзе візіту адбыліся сустрэчы з Прэзідэнтам Алжырскай Народнай Дэмакратычнай Рэспублікі Абдэльмаджыдам Тэбунам, Старшынёй Савета нацый Азузам Насры, Прэм’ер-міністрам Сіфі Грыебам.
У рамках сустрэч абмеркаваны ход рэалізацыі дамоўленасцей, дасягнутых у рамках візіту Прэзідэнта Рэспублікі Беларусь у Алжыр у снежні 2025 года, зафіксаваных у Дарожнай карце па развіццю гандлёва-эканамічнага супрацоўніцтва і Сумеснай заяве аб умацаванні адносін дружбы і партнёрства паміж краінамі.
Перагаворы былі сканцэнтраваны на пытаннях гандлёва-эканамічнага ўзаемадзеяння, ажыццяўлення сумесных праектаў па наладжванню паставак і стварэнню сумесных вытворчасцей сельскагаспадарчай і пасажырскай тэхнікі, дзіцячага харчавання, фармацэўтыкі. Падмацаваннем гэтай тэмы стала падпісанне на палях візіту кантрактаў на пастаўку ў Алжыр сухога малака на суму 18 млн. долараў.
Бакі абмеркавалі пытанні актывізацыі міжпарламенцкага, палітычнага дыялога, адзначылі супадзенне пазіцый Беларусі і Алжыра па пытаннях глабальнага і рэгіянальнага парадку дня, пацвердзілі гатоўнасць прадоўжыць супрацоўніцтва на міжнародных пляцоўках.
