Аб удзеле егіпецкай моладзі ў аздараўленчай праграме ў Беларусі
25.06.2026 г.Пад патранажам Прэзідэнта Рэспублікі Беларусь Аляксандра Лукашэнкі рэалізуецца праграма арганізацыі адпачынку і аздараўлення дзяцей з Егіпта ў Нацыянальным дзіцячым адукацыйна-аздараўленчым цэнтры «Зубраня».
Пасол Рэспублікі Беларусь у Арабскай Рэспубліцы Егіпет Яўген Сабалеўскі сумесна з намеснікам Міністра моладзі і спорту Арабскай Рэспублікай Егіпет Мустафой Эзз Эль-Арабам прыняў удзел у цырымоніі провадоў групы егіпецкіх дзяцей у аэрапорце Каіра.
Яны прымуць удзел у міжнароднай беларуска-егіпецкай змене ў Нацыянальным дзіцячым адукацыйна-аздараўленчым цэнтры «Зубраня». Гэта садзейнічае ўмацаванню і развіццю двухбаковага супрацоўніцтва ў гуманітарна-адукацыйнай сферы, папулярызацыі турыстычнага патэнцыялу, гісторыі і культуры Беларусі.
У час знаходжання ў Беларусі дзеці атрымаюць неабходнае санаторна-курортнае лячэнне, наведаюць культурныя мерапрыемствы і знакавыя гістарычныя аб’екты ў Мінску і рэгіёнах.
